ئێستایەكی نا-سیاسی بەرەو سیاسەتێكی شۆڕشگێڕیی “بێدەنگییەك گەرووی ناڕەزایەتییەكانی گرتووە، بێدەنگیی سیاسەت”

خوينه ر ئازيز

ئه م نووسينه ى هاورى كارزان عزيز بو ئه لترناتيفى سوسياليستى ناردوه, له  به ر كرنكى  بابه ته كه بلاوى ده كه ينه وه و مافى باريزراوه  بو ئيمه و هه ر كه سيك بلاوى ده كاته وه سه ربه سته, به لام بيويسته ئه م خاله  له به ر جاوو بكريت

زور سوباستان ده كه ين

1

10433134_877814552275391_7104497021078562595_nدەنگێگی بەرز و ناڕەزایەتییەكی توند یەخەی خەڵك و شەقامەكانی گرتووە. هاوار و دروشمگەلێك لە ڕووخانی فەرمانڕەواییەوە تا دەگاتە جنێو و سوكایەتی پێكردن بە فەرمانڕەواكان بە ئاشكرا وەكو ئاوێك بە كەناڵێكدا ڕۆبچێت، دەردەچێت و كەناڵەكە ناجووڵێت و گوێی لێ نییە. ئایا ئەوە ئاوە خۆی دەجووڵێت و جۆگەلە ناجووڵێنێت، یان ئەوە جۆگەلەیە هێشتا بەرگەی خووڕە و هاژەی ئاوی زیاتر دەگرێت.

ئەو وێكچواندنەی سەرەوە، وێنایەكی ئەدەبیی نییە، بەڵكو ئامانج لێی وروژاندنی پرسێكی سیاسیی-واقیعییە. ڕۆژانە ناڕەزایەتییەكان بەرزتر دەبنەوە، دەنگەكان پڕ ناڵەتر و قوڕگی دروشم خوێنەكان سورتر و ئەستورتر دەبنەوە. ژمارەی سەر و پێكان چەند جارێك زیادیان كردووە، زوومی كامێراكان بەرزتر و دوورتر دەتوانن چڕی و فراوانیی كۆبوونەوەكان ڕووماڵ بكەن.

چەوساندنەوە و ناڕەزایەتییەكان دەجووڵێن، زیاد دەكەن، بەرزتر دەبنەوە، ئەوەی ناجووڵێت چینی باڵادەست و چەوسێنەری بۆرژووازییە. بەو پێیە بێت، دەبوو ئێستا ململانێكان دەیانجار توندتر ببونایەتەوە، بەریەككەوتنی توند لەنێوان دوو چیندا بە ڕوونی ببینرایە و كەمینەیەكی باڵادەست لەبەردەم زۆرینەیەكی ئێجگار زۆری ناڕازییدا كورسی و دەستەكانیان بلەرزیایە. بەڵام ئەمانە نابینرێن و نەبوونی دیدگایەكی ڕوون لەبەردەم خەڵكی ناڕازییدا، دەرگاكانی داخستووە و لە كۆتاییشدا ناڕەزایەتییەكان یان بە شكستی ی 17 ڕابوون و ڕاپەڕینێكی زۆر لۆكاڵیی بچووك دەگەن لە نموونەكانی بەهاری عەرەبی و یان بە پاسیڤیزم و ملكەچییەكی شكستخواردوو بۆ كەمینەیەكی باڵادەست ،شووبات كە لە هەردوو حاڵەتەكەدا هەژاریی و مەینەتییەكانی خەڵك زیاتر دەبن و ئاست و كێرڤی داواكارییەكانی خەڵك و مافخوراوان دادەبەزێت.

2

كەواتە چارە چییە؟ چارەی هەر پرسێكی واقیعی پێویستی بە خوێندنەوەیەكی تیۆریی- واقیعی هەیە. تیۆرێكی شۆڕشگێڕانە و خوێندنەوە و دونیابینییەكی واقیعییانە كە هەردوو تیۆر و واقیع هەڵهێنجراوی ماتریالیزمی دیالەكتیكی و بەرئەنجامی پەیوەندییەكی ناوەكی و ناواخنیی هەردوولا بێت لەهەناوی یەكتردا. بۆ ئەوەی لەم بنبەست و تۆتۆلۆژیایەی مەینەتی و ناڕەزایەتییەكان ڕزگارمان بێت، پێویستمان بە تیۆرێكی شۆڕشگێڕانەیە بە ئامانجی ڕزگارییەكی گەردوونی بۆ كۆی بەشەریەت.

پرسە تیۆرییە-كۆنكرێتی و واقیعییەكە لەمەدایە: “بێدەنگییەك گەرووی ناڕەزایەتییەكانی گرتووە”. ئەم ڕستەیە نائومێدكەر و ڕەشبینانە دەردەكەوێت، بەڵام ئومێدێكی گەورە لە پوتێنشیاڵ (هێزێكی شاراوە)ی ناڕەزایەتییەكاندا دەبینێت. ڕاستە دەنگێكی زوڵاڵ بۆ  پڕ بە گەرووی هاوار دەكات، ڕاستە جووڵە هەیە و هەزاران پێ دەبڕێت. ،داخوازییەكان بەڵام چارەنووسی دەنگ، سنوری بێ پایانی ئاسمانە كە ناتوانێت بیبستێت و پێكان لە سنگی خاكێكدا دەچەقن كە هەرگیز بەم شێوازە لە ئاه و ناڵەكردن نالەرزێ.

خاڵەكە لێرەدا لە دەنگەكەدا نییە، بەڵكو لە بێدەنگیی دەنگەكەدایە (كێشەكە لەوەدا نییە كە هاواری ناڕەزایەتییەكان شەقامەكانی تەنیوە، لەوەدایە كە ئەم دەنگە ناسیاسییە). ئەگەر دەنگێك بە جەوهەر دەنگ نەبێت، ئەوا ناتوانێت لە واقیعدا ببێت بە دەنگ. ئەمە بەرئەنجامی ئەو ڕوانینەیە كە پێیوایە لە پشتی هەر شۆڕشێكی كۆمەڵایەتییەوە، تیۆرێكی شۆڕشگێڕانە وەستاوە.  ئایا دەنگ بۆ ئەوەی بگات، ببیسترێت، شتێك لەویتردا دروست بكات، چی پێویستە؟ ئەوەی دەنگ پێویستی پێیەتی گوێكان نییە، ئەگەرنا دەنگ بۆ لای فیل دەچوو، بەڵكو ڕۆح و هێزێكە كە گوێ لەویتردا بخووڵقێنێت و توانای بیتسنیشی پێ بدات. بە شێوەیەكی واقیعی، هیچ هێزێكی بۆرژووازیی بە مێژووی مرۆڤایەتی نەیویستووە دەنگی ناڕەزایەتی و داواكاریی و هەژاریی ببیستێت، ئەوەی وایكردووە دەسەڵات و چینی بۆرژووازیی ببیستێت، هێز و توانای شۆڕشگێڕیی و خەباتی سیاسییانەی پڕۆلیتاریا و ستەملێكراوان بووە لە ململانێدا بەرامبەر بە بەرژەوەندییە تایبەتی و تەبەقییەكانی ئەواندا.

3

كام دەنگەیە بێ دەنگیی تێدا نییە، كام دەنگە قودرەتی ڕوواندنی گوێی هەیە؟ ئەو دەنگەی لەنێوان تیۆر و پراكتیكدا دەژی و دێت و دەچێت. بەبێ بەدیلێكی تیۆریی-واقیعی، نە بەدیلێكی تیۆریی و نە بەدیلێكی واقیعی بەتەنها پێشنیاز و پراكتیزەكراو (كردەیی) بەهیچ جێگایەكمان ناگەیەنێت ئەوە نەبێت لەجێگەی خۆماندا بمێنینەوە و دۆخمان خراپتر ببێت یان بگەڕێینەوە بۆ دواوە. كەواتە، بێدەنگیی ناڕەزایەتییەكانی خەڵك كامەیە و چۆن بكرێت بە دەنگێك بە جەوهەرێكی واقیعییەوە یان دەبێت چی بكەین بۆ ئەوەی ئەمە ڕوو بدات؟

بیرمان نەچێت ڕەخنەكەی ئێمە لەوە نییە كە ئەم دەنگە بە جەوهەر بێ دەنگە یان ئەم ناڕەزایەتییە بە جەوهەر ڕەزامەندییە. هەبوونی ئەو بێدەنگییەیە وامان لێدەكات لێیەوە بتوانین دەستنیشان و دایەگنۆزی بنبەستەكەی ئەمڕۆی پێ بكەین. ئەگەر ئەو بێدەنگییە نەبوایە ئەوا نەماندەزانی كێشەكە لەكوێدایە، نەماندەزانی لەكوێوە دەست پێبكەین و چی دەبێتە هۆكای دەرچوونمان لە دۆخی قەیراناویی ئێستا. ئێمە بە ستایشەوە باسی ئەو بێدەنگییە دەكەین. ئەوە كەلێن و بۆشایی ڕەخنە و ڕەتكردنەوە نییە، بەڵكو كەلێن و بۆشایی چوون بەهاناوەیە، شوێنی نواندنی پراكتیك (كردار)ە، هەنگاونانە بەرەو پێشەوە و كلیلی سەركەوتنە.

ناڕەزایەتییەكان و داواكارییەكانی خەڵك بە ڕادەیەكی باش بە شێوەیەكی ئۆتۆماتیكی بۆ ڕەخنەی حكوومەت و شێوازێكی فەرمانڕەوایی بەرزبووەتەوە كە پۆزەتیڤ و چاوەڕوانكراوبووە؛ بەو مانایەی ئەم تەحەولە لە داواكاریی ئاساییەوە بۆ ڕەخنە و سوكایەتیكردن بە حكوومەت و داموودەزگاكانی حكوومەت و دەوڵەت و پیاوەكانی هەم پۆزەتیڤە و هەم پێشبینیكراو، لەگەڵ ئەوەی كە ڕەخنەكان هێندەی بەرئەنجامی توڕەیی و هەڵچوونێكە هێندە هەڵقووڵاوی تیۆرێكی شۆڕشگێڕانە نییە بۆ ڕەخنەی دەسەڵات و دەوڵەت و دیموكراسیی و بۆرژووازیی. لە ئاستێكی بەرزیشدا لەسەر مووچە و مامۆستایان چڕبووەتەوە كە مەترسیدارە و دابەزینی ئاستی داواكاریی و ڕەخنەكانی پێوە

4

دیارە، هەروەها كورتكردنەوەی دروشم و داخوازییەكان بۆ بە تەنها مامۆستایان و ناڕەزایەتی پیشەیی، وادەكات هەنگاوەكان ناسیاسیتر و بێ ستراتیژتر بن. هەردوو ئەم شێوازە لە ڕەخنە و ناڕەزایەتی دەتوانێت بۆ ماوەیەك بژی و پاشان یان شكست دەهێنێت و شتێكی لێ سەوز نابێت یان سەركوت دەكرێت.

ئەوەی جەختی لێدەكەمەوە ئەوەیە كە ئەم ناڕەزایەتییانە ماتەوزەیەكی گەورەی لەخۆدا هەڵگرتووە، بەڵام نەبوونی تیۆرێكی ڕوون و پراكتیكی هەڵە و ناكامڵ لە ڕووی سیاسەتێكی واقیعییەوە، بە ئەنجامێكی پۆزەتیڤمان ناگەیەنێت.

بۆ ئەوەی لانی كەمی پرسی تیۆرێكی شۆڕشگێڕانە و هەنگاوی پراكتیكی بۆ دۆخی   ڕوون ببێتەوە، بە باشی دەزانم بە شێوەی خاڵ ئەم مەسەلەیە ڕوون بكەمەوە. ،ئێستا

. پێدانی سیمایەكی ئینسانیی بە ناڕەزایەتییەكان كە ئەمە بەبێ دیدگا و 1 مەبدەئێكی شۆڕشگێڕانە مەحاڵە. مەبەست لەمە ئەوەیە كە ناڕەزایەتییەكان داواكردنی خودی ئەوەیە كە نیمانە “پارە”. ئەگەر پارە نەبووایە و ئێمە بە پارە كارمان نەكردایە و ڕەنج و ماندووبوونی خۆمانمان بەو چین و دەسەڵاتە نەفرۆشتایە كە

5

دەمانچەوسێنێتەوە، ئەوا ئەمڕۆ ناچار نەدەبووین داوای هەمان ئەو شتە بكەین كە فرۆشتوومانی بەو چینەی كە دەمانچەوسێننەوە، بە ئێستاشەوە پارە ئامرازی هەموو كڕین و فرۆشتنێكە بە هەموو جۆرەكانی كاڵا و تەنانەت خودی مرۆڤ و خەون و مەبدەئەكانیشیەوە. پارە داهێنراوی ئێمەی هەژار و كرێكار نییە تاكو داكۆكی لێبكەین، بەڵكو ئەوان دروستیان كردووە و داكۆكی لێدەكەن بۆ ئەوەی زیاتر لە سایەیدا بمانچەوسێننەوە و بمانكڕن و خۆشیان بە ژیانێكی پڕ ئیمتیازتر و پاشایانەتر بژین .باشتروایە دروشمی مووچە وەرچەرخانی بەسەردا بێت چونكە كێشەكە نەبوونی مووچە و پارە نییە، بەڵكو كێشەكە پارەیە كە لەلایەن چەند گرووپێكەوە دەستی بەسەردا گیراوە. ئەمە مانای ئەوە نییە كە ئێمە دەستبەرداری مووچەكانمان بین، بەڵكو داواكاریی و داخوازیی بۆ مووچە تێپەڕێنین. لەگەڵ ئەوەشدا، یەكێكیتر لە خوێندنەوە زانستییەكان ئەوەیە كە مامۆستایان و گرووپە جیاوازەكانیتریش بە پەرتەوازەیی و بە داواكاریی ڕیفۆرمیستییانەوە نەك ناتوانن بڕۆنە پێشەوە، بەڵكو دەگەڕێنەوە بۆ دواوەش. مامۆستایان و ئەوانەی لەناو كەرتی پەروەردە و كەرتە خزمەتگوزارییەكانیشدا كار دەكەن ناتوانن ببنە فشارێكی بەهێز لەسەر دوڵەت و حكوومەت. ئەوە هێزی كاری وەبەرهێنەرە دەتوانێت بە ڕاستی مەترسی لەسەر دەوڵەت دروست بكات، بۆیە واباشترە هەموومان و مامۆستایان بەو ئاراستەیەدا كار بكەین كە دەستی كاری نێو هێزە وەبەرهێنەكانی وەك كۆمپانیاكانی نەوت و كارگە و پیشەسازییە گەورەكان و ستافی بانكەكان و هتد، بهێنینە سەر خەت و ئەوانیش بكەین بە بەشێكی گرنگ لە پانتایی ناڕەزایەتییەكان. هیچ شتێك نییە بەم دەرئەنجامەمان دەگەیەنێت جگە لە سۆسیالیزمی زانستی چونكە ژێرخانی بنچینەیی دەسەڵاتی باڵادەست و بۆرژووازیی بریتییە لە ئابووریی و ئەو سەرمایەگوزارییە بیست و چوار سەعاتییەی كە تا دێت دەسەڵاتی زیاتری بەو گرووپ و كۆمپانیا و دەوڵەتانە دەبەخشێت و لە هەمانكاتیشدا شا دەماری مانەوە و ڕووخانیشێتی .

6

. دروشمی “چۆڵكردن و جێهێشتنی دەسەڵات” و “بڕوخێ دەسەڵات”، بگۆڕین بۆ 2 “لێسەندنەوەی دەسەڵات و ڕووخاندنی دەسەڵات” لەلایەن بكەرانی وەك ئێمەوە. ئەمە هەروا ئاسا نییە و بابەتی وتنەوە و كۆرس و سایكۆلۆژیای جەماوەریی نییە، بەڵكو پێویستی بە خۆڕێكخستنی چینی هەژار و چەوساوە و كرێكار هەیە.  ڕۆشتنە ماڵەوە و بەتەنها خوێندنەوەی كتێبەكان و هەروەها جووڵە ،خۆڕێكخستن و پراكتیكێكی بێ تیۆریش نییە، بەڵكو پێكدێت لە دروستكردنەوەی پەیوەندیییكانمان لەسەر بنەمای بەرژەوەندیی گشتیی مرۆیی و ئینسانیی و خەباتكردن دژ بەو هێزەی كە لەپێناو بەرژەوەندیی دەستە و تاقم و حیزب و نەتەوە و ئایین و ڕەگەز و ڕەنگێكی دیاریكراودا دەجەنگێت  كە بنەڕەتەكەی چینایەتییە. كەواتە، پێویستە خەڵك لەسەر بەرژەوەندیی مرۆیی و گەردوونیی پەیوەندییەكانی خۆی ڕێكبخاتەوە و هەزاران گرووپ لە خۆیان دروست بكەن و هەوڵی دروستكردنی پەیوەندیی لەسەر بنەمای سیاسەتێكی ئینسانی لەنێو سەرجەمی گرووپەكاندا دابڕێژنەوە و درێژە بە گفتووگۆی تیۆریی-واقیعی نێو هەر گرووپێك و گرووپەكانیش بەیەكترەوە بدەن. لە درێژەی ئەم خەباتەدایە كە خەباتكاران و ڕابەرانی بزووتنەوەكە دەردەكەون و لەسەر ڕاستگۆییان بۆ بزووتنەوەكە و لانەدانیان لە پرەنسیپەكانی بزووتنەوەكە لەلایەن خەڵكەوە مافی پێشڕەوایەتییان پێدەبەخشرێت، نەك پێغەمبەرئاسا و بۆرژووا ئاسا بەوەی كە ئەوان لە هاوچینەكەیان عاقڵتر و  بۆیە هەر لەسەرەتاوە مافی ،خوێندەوارتر و سەربە خێڵ و ئاینێكی تایبەتن پێشڕەوایەتیی و ڕابەریكردنی ئەوانیتریان هەیە و وەكو ڕابەر خۆیان بەوانیتر دەناسێنن. ستراتیژی ئەم خۆڕێكخستنە بۆ دووبارە لەدایكبوونەوەی دەسەڵات و بیرۆكراسییەتێكی نوێ نییە لەلایەن نوخبەیەكی شۆڕشگێڕەوە، بەڵكو ستراتیژ وێرانكردنی دەسەڵات و لەناوبردنێتی. شەڕی دژ بە دەسەڵات بۆ بەرهەمهێنانەوەی نییە، بەڵكو بۆ ئەوەیە دەسەڵات وەكو هەیمەنەی گرووپ و چینێك بەسەر ئەوانیتردا نەمێنێت. شۆڕشگێڕ هەر كە پێیكەوتەوە نێو بیرۆكراسییەت

7

و ئەبەدییكردنەوەی دەسەڵات و دەوڵەتەوە، ئیتر لە شۆڕشگێربوون دەكەوێت. شۆڕشگێڕی ئەبەدیی ئەوەیە كە بۆ ئەبەد لە خەباتدایە و دینامیكییەتی ڕۆحی شۆڕشگێڕیی و بنیاتنانەوە و بەرقەراركردنی ئازادیی سەرتاسەریی بۆ كۆی مرۆڤایەتی دەكاتە دوا ئامانج و دژ بە ئەبەدییكردنەوەی دەسەڵات و ڕابەرایەتی و دەوڵەت و بیرۆكراسییەت دەوەستێتەوە بۆ ئەوەی خاڵی كۆتایی لەسەر شۆڕش دانەنێت.

. دروشمی دژ بە بنەماڵەی دیاریكراو و ناسراوەكان و حیزب و تەنانەت 3 شەخسەنەكردنی ناڕەزایەتییەكان كۆتاییان پێبێت و لە جیاتییاندا دروشمەكان بەرز بكرێنەوە بۆ ڕەخنەی كۆی سیستەم و پاشان پارچە و بەشەكانی نێو سیستەم. ئەم فۆرمانەی فەرمانڕەوایەتی جوزئەكانی ناو گشتن. ئەگەر سیستەمەكە بە تەواوی جیاوازبووایە، جوزئەكانیش ئەوانەی ئەمڕۆ نەدەبوون و جیاواز دەبوون. بەمجۆرە، لە پایەییترین ئەركەكان بریتییە لە گەورەكردنی وێنەكە و فراوانكردنی ئاسۆی بینینمان لە گرووپێكی دیاریكراو و جوگرافیایەكی سنوردار و دابڕاوەوە بۆ كۆی سیستەمەكە. خەباتمان بە تەنها لۆكاڵیی نەبێت، بەڵكو جیهانیی بێت. جوزء و پانتاییەكی بچووك ئەگەر بەهەشتیش بێت، بەڵام ئەگەر تەن و جوزئێكی نامۆ و دژ بە گشت و سیستەمەكە بێت، ئەوا ناتوانێت هەڵبكات و بە پیلانگێڕییەك لەبار و لەناودەبرێت. كەواتە، هەر ئازادییەكی لۆكاڵیی و ژیانێكی ئازاد لە كرێ و خاوەندارێتی  و زیادەبەها لە جوگرافیایەكی تایبەتدا و قەتیسكردنی لەژێر چەتری چەند كانتۆنێكدا یان دەوڵەت و ناوچەیەكدا، سەرئەنجامی یان چوونە باوەش و تەسلیمبوونە بە هێزە ئیمپریالیستی و بۆرژووازییەكان یان شكست و كەوتن.

. ڕێگاچارە لەبەردەم ئەم لاوازییەی دواكاریی و ناڕەزایەتییەكاندا ئەوەیە كە بۆ 4 ئاستێكی سیاسیی تەحویل ببن. ئەم تەحویل و وەرچەرخانە لە سوبێكتەكان خۆیانەوە دەست پێدەكات. دەبێت خەڵكی هەژار و ستەملێكراو بڕوای بەوە هەبێت

8

كە ڕۆڵی ئەم لەناو مێژوودا زۆر لە ڕۆڵی دەسەڵاتداران گەورەتربووە. دەبێت ئەم مرۆڤە خۆی بە جوڵێنەر و محەرەكی مێژوو بزانێت، لە ئێستاشدا ئەوەی دەتوانێت  و دەسەڵاتی بۆرژووازیی و ستەمكاران هەمیشە ،كۆمەڵگا بباتە پێشەوە هەر ئەمە ڕێگرییان لە بەرەوپێشچوونی ئازادیی و دادپەروەریی كردووە و كۆمەڵگایان لە باشترین دۆخدا وەكو خۆی هێشتووەتە و لە كاتەكانیتردا بۆ كۆنەپارێزیی و دواكەوتووییان گەڕاندووەتەوە. كرێكار و مرۆڤی نامۆكراو بە ژیان و كار و بەرهەمی كاری خۆی تەنها هۆكاری گۆڕانی كۆمەڵایەتییە. كەواتە، خەڵكی ناڕازیی پێویستی بە هۆشیارییەكی سیاسیی هەیە. ئەم هۆشیارییە بە كورتی بریتییە لەوەی كە پانتایی ناڕەزایەتییەكان فراوانتر بكرێت، مامۆستا و هەر گرووپێكیتر خۆی بە دابڕاو نەزانێت لە بەشەكانیتری كۆمەڵگا چونكە كۆمەڵگا بە دەسەڵاتیشەوە بریتییە لە یەكەیەكی دینامیكی و دانەبڕاو و پێكەوەبەستراو، بۆیە مامۆستا و گرووپەكانیتر (فەرمانبەران، پارێزەران، دكتۆران، وەرزشوانان، هونەرمەندان و هتد، خۆمان بە  بەڵكو ، بەرپرس بزانین لە داكۆكی نەك بە تەنها لە داواكارییە تایبەتییەكانی خۆمان داكۆكی لە مرۆڤ و كەرامەتی مرۆڤ و ئازادیی سەرتاسەریی مرۆڤ بكەین. ئەمە دەرئەنجامی ئەو لاوازییەیە كە لە پەیوەندیی ستەملێكراوانەوە تێبینیكراوە، تەنانەت لەناو خۆپیشاندانەكان و گردبوونەوەكانیشدا كە جێگەی ئومێدن، پەیوەندیی مرۆڤەكانی نێو كۆبوونەوەكان زۆر خراپە یان پەیوەندییەكان لەجیاتی ئەوەی لەسەر بنەمای ستەم و چەوساندنەوە بێت، كەچی بەشێكی زۆری لەسەر بنەمای حیزب و ناوچە و بەرژەوەندیی تایبەتە.  پاش یەكگرتنێكی سەرتاسەریی و كۆبوونەوەی كۆی ئێمە لەژێر چەتری ستەم و هەژاریی و چەوساندنەوە و نامۆبووندا، لەژێر هەمان چەتردا دەست بە خۆڕێكخستن دەكەین. پێكەوە گفتووگۆ دەكەین، پرسیار دەكەین و وەڵامی پرسیارەكانی یەكتر دەدەینەوە، هەوڵی یەكتر بینین و ڕۆشنكردنەوە و بەرچاوڕوونی بە هاوڕێكان و هاوچینەكەمان دەدەین. شان بە شانی ئەمەش، سەرەڕای ئەوەی هەوڵی بەرزكردنەوەی داخوازییەكانمان دەدەین، كاری عەمەلی و پراكتیكی دەكەین و بۆ ساتێكیش دەستبەرداری

9

داواكاریی و ناڕەزایەتییەكانمان نابین. هەر لێرەوە یەكەم شت كە گۆڕانی بەسەردا دێت بریتییە لەوەی كە ئێمە داواكاریمان نییە بۆ ئەوەی بۆمان جێبەجێ بكرێت، بەڵكو داواكاریمان هەیە و بە دەستەكانی خۆمان جێبەجێیان دەكەین، ئەوە چیتر دەسەڵات و گرووپێك نییە لێیان بپاڕێینەوە بۆ ئەوەی وەڵامی داواكارییەكانمان بدەنەوە، بەڵكو ئەوە خۆمانین بە هەنگاونانی خۆمان دەڕۆینە پێشەوە تاكو كۆی دەسەڵات وەردەگرینەوە و لەوێوە دەسەڵات وەكو شوشەیەك دەشكێنین و خۆمان دەبینەوە بە حاكمی خۆمان. ئەوەی ئەوان بە دیموكراسی ناوی دەبەن، دیكتاتۆرییە. بۆ ئەوان تەنها ئەوە دیموكراسییە، كە خۆیان حوكم و فەرمانڕەوایی زۆرینە بكەن و هەرچۆنێكیان بوێت یاساكان دابڕێژن، ژیانمان دروست بكەن، بەرژەوەندییەكانی خۆیان لەسەروو هەموو بەرژەوەندییەكانی ئێمەوە دابنێن .بۆ ئێمەش دیموكراسی بریتییە لە خۆبەڕێوەبەریی و چنینەوەی بەرهەمی كاری خۆ و سڕینەوەی هەموو جۆرێكی قازانج و خاوەندارێتی و حاكمدارێتی خەڵك لەلایەن خۆیەوە نەك نوخبە و تاقمێكەوە. لەو چوارچێوەیەدا، ئێمە بۆ خۆ پڕچەككردن لە ئێستا چەكمان پێویست نییە، خۆڕێكخستنەوە و هۆشیاریی چینایەتیی نێو هەموو هەژاران و دروستكردنی گرووپ و فێربوونی وانەی خەباتمان پێویستە لە پێناو بەرژەوەندییە گشتییە ئینسانییەكاندا. لەگەڵیشیدا، ڕەخنەكردنی دەوڵەت و داموودەزگاكانی، خەباتكردن دژ بە بۆرژووازیی لە هەر كوێیەك بێت و دژ وەستانەوە بەرامبەر بە هەر ماف و بەرژەوەندییەكی تایبەت هەر لە قازانج و خاوەندارێتییەوە تا دەگاتە قازانجی ئیمپریالیستی و خاوەندارێتی دەوڵەت و پەرلەمانی كەمینە و سوپا و هێزی حیزب و دەوڵەت و نەتەوەكان بۆ پارێزگاریكردن لە بۆرژوواكان ئیتر لەژێر چەتری نەتەوە و ئایین و مەزهەب و هەر شتێكیتردا بێت.

نوسین: كارزان عەزیز

 

سەرنجێک بنووسە

ئیمەیڵەکەت بڵاوناکرێتەوە. تکایە سەرجەم خانەکان پڕ بکەرەوە *

*

x

Check Also

تاوەری ٣٩ شەقامی پێەری لە رۆژئاوای لندن؛ وەرگیراو : ڕزگار عوسمان

ئەگەر ناوەندێکی سەربازی و سیخوری دەولەت یا جێگای نیشتەجێبوونی سەرمایەداران بوایە لە کەمترین ماوەدا پێشکەوتووترین ...